سوريا امي الحنون

04.تشرين1.2014
قيم الموضوع
(0 أصوات)

يا سوريا يا أمي الحنونة..
لاتبكي ولادك ما يرضونا..
لجلك ترخص الروح وقلوبنا فداك يا مزيونة..
إنت ِالبطولة والشرف إنت أمنا و ابونا...
يا أم الابطال يا أرض ارتوت بدم اخونا..
قومي يا أمي وارفعي راسك بفضلك صارت الحرية والكرامة بدينا....

الغناء:
سوريا يا يا أمي الحنون
يا أرض جدادي وغصن الزيتون..
درعا يا ..أمي أم اليتامى
مفتاح الحرية ولادك والله معانا.
حمص الأبية حمص الوليد حبك بقلبي مسرى الدم بالوريد..
سوريا يا يا أمي الحنون
يا أرض جدادي وغصن الزيتون..
لجلك يا حلب الروح والولد
صبرك يا شهبا مهرك راسو للأسد..
ادلب الخضرا جبال وديان
أهلك للفزعة لبوا وكلون شجعان..
سوريا يا.. يا أمي الحنون يا أرض جدادي وغصن الزيتون..
ويادير الزور يا أرض الفرسان
عروس الفرات والله وحسنك فتان..
حماة ماضينا ..حقك علينا
لولا المظالم كنتي عروس الكونا..
سوريا يا ..يا أمي الحنون
يا أرض جدادي وغصن الزيتون..
غوطة الشام يا أرض الرجال
عزة ونخوة وكرامة ..همة أبطال..
دمشق الفيحا يا أحلى لوحة بالدم انرسمت حريتك والبستي الطرحة..
سوريا يا ..يا أمي الحنون
يا أرض جدادي وغصن الزيتون..
سوريا الحبيبة
فرج الله كربك...

قراءة 1274 مرات